 |
| KNU ningbaw Mutu Say Poe |
Amyu Sha Hpyen Masa Mungmasa Daphpawm (UNFC) hpung kawn Kayin Amyu Sha Hpung (KNU) le wa ai lam hpe matut hkangzing mat na lam hpe 6 ya tup galaw ai ginjaw dinggrin komiti zuphpawng kawn dawdan dat ai.
Thursday, October 30, 2014
UNFC hpung shang kawn KNU gan le mat ai lam hpe matut hkangzing na
Amyu Sha Hpyen Masa Mungmasa Daphpawm (UNFC) hpung kawn Kayin Amyu Sha Hpung (KNU) le wa ai lam hpe matut hkangzing mat na lam hpe 6 ya tup galaw ai ginjaw dinggrin komiti zuphpawng kawn dawdan dat ai.
Tuesday, October 28, 2014
Ja maw de kajawng kaja shang rim ai lam ni galaw
 |
| Mugawng Hka kaw ya na zawn ja htu sha nga ai |
Jinghpaw Mungdaw Hpakan ginwang Wa Ra Zup ginwang daw Mugawng Hka hte Nam San Hka hta jahtu nga ai masha ni hpe October 24 ya shani Hpakan nga magam dap, makan dap ni pawng nna sa rim ai lam nkau galaw mat ai re nga chye lu ai.
Saturday, October 25, 2014
Nanghpam tsi mawan hte hpawn KIO magam gun langai rim hkrum
Jinghpaw mungdaw Myitkyina ginwang hta nanghpam tsi mawan kaba ai hku dut ginlen nga ai Slg. Marip Gam Awng hpe October 22 ya shana hkying 11 ten e Loi Hkaw kahtawng hta Hkristan nawku hpung Kani Nanghpam Pat Jasan Komiti kawn rim kau sai lam chye lu ai.
Friday, October 24, 2014
Asuya hte rawt malan hpung ni lapran simsa lam bawng na dawn nga dingyang
 |
| UNFC amu madu Hku U Re |
Asuya gaw simsa lam hpe mungmasa hku nna hkrum saga bawngban hparan na matu galaw nga ai raitim ta-tut hta hpang de htingnut shangun ai sat lawat a marang bawngban hpawng ni gaw daini du hkra jahkrup lu ai lam n nga ai lam Amyu Sha Hpyen Masa Mungmasa Daphpawm (UNFC) kawn shawng nnan lang ningnan bai hpaw shabawn da ai kongsi man hkrum zuphpawng hta ndau dat ai rai nga ai.
Wednesday, October 22, 2014
Yuzana company hpe n ra sharawng ai lam ginra masha ni myit-ra me bang
 |
| Hugawn Pa sharaw madat gaiwang kata du hkra Yuzana company ganaw shakrin nga ai lam |
Jinghpaw Mungdaw Hugawng Pa Danai myu-ne Lidu lam mayan na kahtawng ningchyawng hkan shanu nga ai yi sun hkauna galaw masha ni gaw, tinang a ginra kata Yuzana Company nga taw ai lam a marang akyu yawm wa ai majaw ‘ra/n ra’ myit-ra me jaw ai shamu shamawt lam ni hpe galaw nga ai hta mani kahtawng 2 bai madu myit-ra me bang ai lamang galaw ai lam chye lu ai.
Tuesday, October 21, 2014
Jak kaba hte ja htu sha bang nga ai majaw buga masha ni hkrit tsang nga
 |
| Hugawng Pa, Nam Byu ja maw hta mu lu ai Miwa gung-galang ja htu jak kaba |
Jinghpaw Mungdaw Hpakan Ginwang Wa Ra Zup buga, Mugawng Hka hte Nam San Hka mawdaw lam mayan jak baw kaba ni hte ja htu ai lam a majaw shingra hka lam hten wa nhtawm mare buga masha ni tsin-yam tsindam hkrum wa na hpe hkrit tsang nga ai lam chye lu ai.
Friday, October 17, 2014
Hpakan KIA Dap 6 hte Myen asuya dap lapran, kahtap shuk wa dingyang
 |
| KIA Dap 6 hpyenla lahkawng, Hpakan Uru Sengmaw, Jinghpaw Mungdaw |
Wunpawng Mungdan Shanglawt Hpyen Dap (KIA) Dap Ba (2) npu Dap Dung (6) hte Myen asuya Dapnu Masat (66) dap ni lapran hpyen masa shuk wa ai majaw Awng Ba Li kahtawng na hpaji jawng ni gan pat da sai nga KIA Dung Dung (6) na Dap Up Dukaba Tang San tsun ai.
Sam mung hta Myen asuya dap hte FUA Daphpawm lapran laja lana gasat poi byin nga
Myen asuya dap hte Munghpawm Hpyendap (Federal Union Army--FUA) lapran Sam mung sinpraw dingdung maga, lai wa sai lahkawng ya kaw nna laja lana gasat poi byin nga sai lam chye lu ai.
Wednesday, October 15, 2014
Karen madung laknak hpai hpung 4 chyawm mat
 |
KNLA hpyenla ni hpe Karen-Thai jarit hta mu lu nga yang
|
Karen rawt malan hpung 4 chyawm nna Kaw-tu-le Hpyen Dap
(KAF) hpaw shabawn ai lam Oct-13-2014, bat Langai Ya shani ndau shale ai lam
hpe, KNU Karen Amyu Sha Uhpung Uhpawng
Ginjaw Komiti a jasat jasa n re lam KNU ginjaw komiti malawm Badu Man Nying
Mawng tsun ai.
Hpakan hta asuya dap hte KIA Dap 6 lapran gap hkat na ri ri byin nga
 |
| Shawng lam ginra shara mi na KIA Dap 6 hpyenla langai |
SHIGA KAHTET
Jinghpaw mungdaw Hpakan lungseng maw hta Myen hpyen asuya
dap hte Wunpawng Mungdan Shanglawt Hpyendap (KIA) Dap 6 lapran gap hkat na ri
ri byin nga ai lam chye lu ai.
Hpakan KIA dap yen ya na matu Myen asuya kahtap sadi jaw
 |
| Oct-2-2014 ya shani, Hpakan Dap 6 daju hpaw poi galaw nga yang |
Jinghpaw Mungdaw Hpakan daju Myen asuya dapnu masat 66 gaw Wunpawng Mungdan Shanglawt Hpyen Dap (KIA) Dap Ba 2 npu Dap Dung (6) hpe yen ya na matu sadi jaw mat ai nga Wunpawng Mungdan Shanglawt Hpung (KIO) a tsun shaga ahkang lu ai Salang Lah Nan tsun ai.
Tuesday, October 14, 2014
Hugawng Pa mare salang wa hpe shingra maling mala tawt lai mara shagun rim
 |
| Oct-8-2014 ya shani Hugawng Mare masha ni Yuzana company hpe n ra sharawng ai lam, me jaw nga yang |
Jinghpaw Mungdaw, Hpakan ginwang Hugawng Pa ginra hta Yuzana Company a majaw htawt sit shara jahkrat hkrum ai dabang Tsan Pya mare kawn Mare Salang Slg. Ah Hpu Dwi hpe Hpakan ginwang tara rung Ningtau Uphkang Du Slg. Chyaw Myin hku nna bungli lit kawn hkring na matu tsun nhtawm October praw 9 ya shani gaw nam nga shu shan hte shingra maling mala makawp maga lam hte shingra maka ginra gawnhkang lam tara daw; 36 (c) hte maren amu hpaw ahkyak la rim kau sai lam chye lu ai.
Friday, October 10, 2014
Hugawng Pa e Yuzana Company nga nga ai hpe ginra masha ni n ra
 |
| Hugawng chyauman masha ni Yuzana company hpe n ra ai lam, me sin-dan-pa jaw nga yang. |
Jinghpaw Mungdaw Hugawng Pa ginra Lidu lam mayan na mare 2 kawn kahtawng masha ni October praw 8 ya shani e Yuzana Company nga nga ai hpe “ra/n ra” shawa myitra me hta ai hta 98 tsa htam shadang gaw n ra sharawng ai lam ninghkap me shinggyin la lu ai nga chye lu ai.
Thursday, October 9, 2014
Jinghpaw ni hpe jahkrit shama nga ai katsi majan
 |
| Lahta Sam mung Muse makau Pangsai e mu lu ai KA a kani nanghpam ninghkap pyendau |
Kani nanghpam tsi mawan manghkang grau sawng wa shangun ai Myen asuya a zai ladat “katsi majan” ngu ai ndau shabra laika hpe Htai Mungdan Chaing Mai daju Jinghpaw Wunpawng Amyu Shayi Hpung (KWAT) gaw October praw 8 ya shani ndau shale dat sai.
Tuesday, October 7, 2014
Amyu Sha bawsang ningbaw ni jawm galaw sa wa na lam bawngban
Sam Amyu Sha Democracy Ginjaw (SNLD) hte Amyu Sha Hpyen Masa Mungmasa Dap Hpawm (UNFC) ningbaw ni October praw 6 ya shani Htai Mungdan Chaing Mai mare hta hkrum shaga bawngban ai nga UNFC a Shingtau Amu Madu (1) Dukaba. Hkun Auk Ka tsun ai.
Monday, October 6, 2014
Kani nanghpam kaba ai hku dut ginlen nga ai ni hpe lu rim
 |
| Hpakan kaw kani dut sha ai hpaw mi langai |
Nanghpam tsi mawan wanglu wanglang dut mari hpaga galaw nga ai Jinghpaw Mungdaw Hpakan ginra hta hkrisatan nawku hpung ni hpaw shabawn da ai kani nanghpam pat jasan komiti woi awn nhtawm nanghpam tsi mawan kaba ai hku dut ginlen nga ai ni hpe lu rim ai lam chye lu ai.
Sunday, October 5, 2014
Myen asuya hte NCCT myit hkrum lam rai n lu ai daw ni hpe kahtap jahkrup
 |
UNFC ningbaw hte KIO Ningbaw Malai Du Daju Jum Nban La |
Asuya hte myit hkum ai lam rai n lu ai daw ni hpe kalang bai kahtap dinglik yu na matu Mungdan Ting Madang Gap Hkat Jahkring Bawngban Jahkrup Hpung NCCT gaw Htai Mungan, Chaing mare hta October praw 4 ya shani kawn bawngban hpang nga sai lam NCCT Ningbaw Slg. Nai Han Ta tsun ai.
Saturday, October 4, 2014
Friday, October 3, 2014
Num sha ma hpe roi rip ai Myen hpyenla a amu hpe no.2 lang rung dung jep joi
 |
| Lahta Sam mung Munggu ginra shawnglam hkawm nga ai Myen hpyenla lahkawng |
Lahta Sam Mung, Kuthkai ginwang Namgut mare kawn asak rai n hpring shi ai num sha ma langai hpe roi rip ai manghkang hte rung shawk hkum ai asuya hpyen dap kawn hpyenma Kawng Bu Bu manghkang tara hkam sakse marai lahkawng hpe October praw 2 ya shani Muse ginwang tara rung hta nambat lahkawng lang ngu na rung dung jep joi ai rai nga ai.
Thursday, October 2, 2014
Jinghpaw ginra, majan nhpan zim taw tim tsin-yam ni wa lu na mahkrun n mu
 |
| Je Yang dabang hpyen masha ni |
Jinghpaw Mungdaw kata Wunpawng Mungdan Shanglawt Hpyen Dap (KIA) hte asuya dap lapran lahkawng maga chya hkat nga ai manghkang ni yawm wa nna zim wa sai ngu mai tsun tim tsim-yam masha ni dum nta de bai nhtang wa mai na daram myit mada shara n nga shi ai lam tsin-yam lakawn lanawn ni tsun ai.
Wednesday, October 1, 2014
Kani nanghpam nat lamang hta shanglawm ai ni hpe Myen asuya dap ni jep joi
 |
| Sep27-2014 - Dap Ba 4, Dap 9 ginra hta kani nanghpam wan nat poi galaw nga yang |
Wunpawng Mungdan Shanglawt Hpung (KIO) a kani nanghpam nat jahten lamang e rim da ai kani nanghpam tsi mawan ni hpe wan nat jahten ai hpawng de sa du shanglawm ai mare masha ni hte mare salang ni hpe Myen asuya dap kawn san jep ai lam galaw nga ai nga pat jasan komiti ni kawn chye lu ai.