 |
| Mung Gu Buga Hkaluphpung a jaw Poi hta jubeli |
Friday, December 18, 2015
Mung Gu ginra Karai Mungga hkap la ai Jaw Poi galaw
Tuesday, December 15, 2015
KIA Dung 1 ginra e Myen hte gap hkat
Jinghpaw mungdaw dingda Manje mare a sinpraw-dingda maga Wunpawng Mungdan Shanglawt Hpyendap KIA Dung 1 ginra e Myen mung asuya dap hte gap hkat ai lam byin nga ai re.
Thursday, December 10, 2015
Myitkyina-Manmaw Lam dingyang Myen hpyen ni but jawng nga
Mani kaw nna lak lak lai lai Myen asuya hpyen hpung ni gaw Jinghpaw mungdaw Myitkyina-Manmaw mawdaw lam dingyang but jawng nga ai lam, buhkawm masha ni tsun ai.
Wednesday, December 9, 2015
Lahta Sammung KIA Ba-4 ginra masum de Sam RCSS ni shang bang nga
Lahta Sammung, Sak Hkung Hka a sinna maga Wunpawng Mungdan Shanglawt Hpyendap (KIA) Dapba 4 ginra masum de RCSS/SSA Sam rawt malan hpung (dingda) ni shang bang nga sai lam, ginra buga masha ni hku nna chye lu ai.
Wednesday, December 2, 2015
Kutkai Rev. Labya De Masat Laika Dum a matu gat dut poi galaw
 |
Tuesday, December 1, 2015
Hpakan, Ja Ra Yang majan hta KIA du 2 hkrat sum
 |
| KIA Share Kawng, Hpakan |
Monday, November 30, 2015
Hpakan-Gwi Hka Lam de Myen hte KIA gap hkat
 |
| KIA Dung 6 hpyenla ni, jinghpawmungdaw sinna |
Hpakan lungseng maw Gwi Hka lam maga Myen asuya dap hte Wunpawng Mungdan Shanglawt Hpyendap (KIA) lapran, dai hpawt daw aten kadun gap hkat wa sai re.
Monday, October 19, 2015
Sunday, October 18, 2015
Monday, September 28, 2015
Saturday, August 29, 2015
KIA Dapba 4 laknak ap na, Myen Dap Awn Daju tsun ai hpe ginra masha ni n hkap la
 |
| Munggu ginra na KIA Dapba 4 hpyenla ni |
Lahta Sammung KIA Dapba 4 laknak dawm na matu Myen mung asuya hpyendap Dap Awn Daju Dkb Min Awng Lai tsun mat ai hpe ginra buga masha ni n hkap la ai lam, tsun shapraw dat masai.
Friday, August 28, 2015
NCA jahkrup nga ten Myen hpyen ni KIA post langai kahtap zing
 |
| Mali Hka de nga ai KIA Dung 7 shawnglam post langai |
Myen asuya hte amyusha rawt malan hpung ni lapran, mungdan ting gap hkat jahkring ga sadi NCA sen htu shangut na jahkrup nga ten, Myen asuya dap gaw Mali Hka hku Wunpawng Mungdan Shanglawt Hpyendap (KIA) a shawnglam post langai hpe kahtap zing madu kau dat sai re.
Tuesday, August 25, 2015
Saturday, August 22, 2015
NCA hte seng nna Chiang Mai e bawngban nga
 |
| NCA sen htu na matu KNU hte nkau dawdan sai ten, KIO hte ngam ai ni mung dawdan na kun? |
NCA Mungdan Ting Gap Hkat Jahkring Ga Sadi hpe Myen asuya hte sen htu shangut na lam ntsa mani August 21 ya kaw nna Htai mung Chiang Mai mare e amyusha rawt malan hpung ni zuphpawng galaw nga sai re.
Friday, August 21, 2015
KBC: “mungshawa hte KIO rau n rai sana re”
 |
| KBC, J.W Hkalup Hpung Ginjaw Rung, Myitkyina |
Lama na, Wunpawng Mungdan Shanglawt Hpung (KIO) gaw Myen mung asuya hte NCA simsa lam sen htu yang, “mungshawa hte KIO rau n rai sai ngu hkam la ra na re lam”, Jinghpaw Wunpawng Hkalup Hpung Ginjaw (KBC) gaw asan sha tsun sadi jaw dat sai.
Tuesday, August 18, 2015
Naypyidaw de shuk shanut nga ten, Myen shawnglam hpyenla ni nkau yu mat
Naypyidaw mare daju hta Myen asuya ningbaw ni lapran daru magam gashun hkat ai mabyin a hpang, KIO ginjaw ginra grupyin na Myen shawnglam hpyenla nkau, yu mat wa ai lam chye lu ai.
Myen asuya lam pat dingyang re majaw, Mali Yang hpyen yen ni malu masha yak
Myen asuya dap pat da ai kata garum ntum jaw na lam n hku mat ai majaw, Mali-Hkrang Walawng na hpyen hprawng masha ni yak hkak hkrum nga ai lam chye lu ai.
KIO, NCA sen htu kau na J.W shawa ni myit tsang nga
Myen mung asuya hte, NCA ngu ai Mungdan Ting Gap Hkat Jahkring Ga Sadi hpe Wunpawng Mungdan Shanglawt Hpung KIO kaw nna hkap la let sen sa htu kau na hpe Jinghpaw Wunpawng mungshawa ni myit tsang nga ai re.
Thursday, August 13, 2015
Myen daru magam gashun hkat: asuya pati ningbaw shapraw kau hkrum
Myen asuya ningbaw ni lapran daru magam gashum hkat ai kata, rapdaw ningbaw Slg. Tura Shwi Man hpe shi lit la nga ai USDP, mungdan uphkang nga ai pati ningbaw shara kaw nna shapraw kau sai re.
Tuesday, August 11, 2015
NCA simsa lam sen htu na ntsa, KIO ginjaw zuphpawng galaw nga
 |
| KIO ningbaw malai Du Kaba Nban La |
Myen mung asuya hte, NCA simsa lam sen htu na hte seng nna Laisin Bum e lai wa sai bat kaw nna Wunpawng Mungdan Shanglawt Hpung (KIO) ginjaw salang ni zuphpawng galaw nga sai re.
Tuesday, August 4, 2015
Mali Yang hpyen yen ni Myen laknak kaba n dep ai nam de kahtap hprawng yen nga
Sumprabum ginwang kata KIA hpe majan baw gasat nga ai Myen hpyendap gaw hpyen yen (IDP) ni nga ai mare de mung laknak kaba ni gap bang ai majaw, hpyen yen ni kahtap nna laknak kaba n dep ai nam de hprawng yen nga ai re.
Friday, July 24, 2015
Mali Yang majan a majaw KIO jawng 5 pat tawn
July 11 ya shani, Myen hpyen jet nbungli lahkawng hte Sumprabum ginwang KIA Dung 7 Mali Yang post hpe sa gap ai shani kaw nna Mali Yang grupyin kahtawng manga na KIO lawu tsang jawng ni pat kau sai re.
UPWC-SD Yangung zuphpawng ten, Mali Yang majan gan zim
Myen asuya UPWC hte amyusha rawt malan hpung SD dat kasa ni lapran, July 23 mani kaw nna Yangung e mungdan ting gap hkat jahkring ga sadi NCA, sen htu shangut na lam ntsa zuphpawng hpang ai shani kaw nna, Mali Yang de majan gan zim nga ai re.
Wednesday, July 22, 2015
Putau na Myen hpyen garum 300 jan Mali Yang de htu
Putau kaw nna mawdaw 15 hte Myen hpyen garum n-gun 300 jan gaw Wunpawng Mungdan Shanglawt Hpyendap KIA Dung 7 hte majan byin shara, Mali Yang de lung wa ai gaw, daini Putau-Myitkyina lam Lung Sha Yang lai sai lam, mu ai ni tsun ai.
Monday, July 20, 2015
KIO Ningbaw Malai hte Myen Aung Min, alak mi hkrum
 |
| KIO Ningbaw Malai Kaba Nban La |
Mani, July 19 Laban Ya jahpawt daw hta KIO Ningbaw Malai Du Kaba Nban La hte Myen asuya UPWC N/T Ningbaw U Aung Min yan, Htai mung Chiang Mai mare manam jarawp shara mi kaw, hkying hkum 2 daram alak mi hkrum shaga wa sai re.
Saturday, July 18, 2015
KIA Mali Yang post hpe yen ya tim, majan matut byin
 |
| KIA Mali Yang post hpe yen ya tim, majan matut byin |
Shata mi daram Myen mung asuya dap hte laja lana majan byin nga ai shara, Mali Hka hku Wunpawng Mungdan Shanglawt Hpyendap (KIA) a Mali Yang post hpe yen ya sai raitim majan naw byin nga ai lam, KIA salang ni tsun shateng ai re.
Tuesday, July 14, 2015
Myen hte KIA, lani mi shara mali hta gap hkat
 |
| July 13,2015 Myen hte KIA majan byin shara map |
Mani, July 13 lani mi laman, Myen asuya dap hte Wunpawng Mungdan Shanglawt Hpyendap (KIA) lapran shara mali hta gap hkat ai lam ni byin wa sai re.
Sunday, July 12, 2015
KIA Mali Yang post hta Myen lagaw dap hte man chyaw gap hkat nga
 |
| Mali Yang majan shawnglam hkawm nga ai KIA Dung 7 hpyenla ni |
Jet nbungli hte sa gap ai lani a hpang, dai hpawt hkying 5 am daram kaw nna KIA Dapdung 7 Mali Yang post hta Myen hpyen lagaw dap ni hte gasat poi byin hpang sai lam, Dapba 1 daju N’Gumla shiga lawk tsun ai.
Saturday, July 11, 2015
Hpakan lam Loi Seng majan hta Myen maga 3 si, 10 daram hkala
 |
| Majang byin ai majaw lam kaw gan hkring nga ai puada ni |
Mani, Hpakan lam Mugawng hte Kamai lapran Loi Seng kaw byin ai majan hta Myen hpyen maga 3 si, 10 daram hkala hkrum ai lam ginra buga masha ni hku nna chye lu ai.
Mali Yang kaw laja lana gasat poi byin, Myen jet nbungli 2 sa gap
Sumprabum ginwang, Mali Hka a sinna hkran hta daju ai, Wunpawng Mungdan Shanglawt Hpyendap (KIA) Dapba 1 npu Dung 7 a Mali Yang post hta Myen asuya pawng hpawm dap hte dai hpawt daw kaw nna laja lana gasat poi byin nga ai lam chye lu ai.
Friday, July 10, 2015
Hpawng Seng na Myen dap ni bawm hte gasat hkrum, 1 ningma sawng
 |
Thursday, July 9, 2015
Myen gaw KIA Mali Yang post hpe zing na n-gun gahkyin nga sai
Myen asuya hpyen dap gaw Wunpawng Mungdan Shanglawt Hpyendap (KIA) a Dapdung 7, Mali Hkrang Walawng de shang wa ai chyinghka, Mali Yang mare post hpe zing na n-gun gahkyin nga sai re.
Wednesday, July 8, 2015
Myen-KIA, Hpakan lam Jai Mai Pa hta gasat poi byin
 |
| Hpakan e lung wa ai Myen asuya hpyenla ni |
Wednesday, July 1, 2015
Wednesday, March 4, 2015
Nawku hpung ni Hugawng Pa kani yi eka hkying 2 jan hkyen jasan kau
 |
| Pat jasan hpung hpe Wa Ra Zup mare e hkaptau la nga yang |
Myitkyina, Hugawng Pa ginra lahkawng na nawku hpung pat jasan komiti pawng nna Jinghpaw Mungdaw kata Hugawng Pa, Danai ginwang e kani yi eka 2,236 hpe nhtoi 19 ya laman jahten kau ya lu ai lam chye lu ai.
Tuesday, March 3, 2015
Hugawng bu ni lamu ga bai lu la na lam, matut hpyi shawn
 |
| Mar-2 Yi Sun Hkauna Galaw Masha Nhtoi lamang, Wa Ra Zup |
Jinghpaw mungdaw Hugawng Pa ginra Lidu lam Wa Ra Zup kahtawng kaw March shata praw 2 Yi Sun Hkauna Masha Nhtoi lamang galaw ai hta buga masha ni kawn asuya ahkaw ahkang lu ni de lawnglam 5 hpyi shawn mat ai.
Monday, February 23, 2015
7 lang na UPWC hte NCCT ni hkrum shaga ai lam, March shata ka-ang hta galaw na
Munghpawm Simsa Lam Hkrang Shapraw Komiti (UPWC) hte Mungdan Ting Gap Hkat Jahkring Bawngban Jahkrup Hpung (NCCT) ni du na March shata ka-ang ram hta 7 lang ngu na gap hkat jahkring bawngban jahkrup hpawng galaw na matu lahkawng maga myit hkrum da sai nga chye lu ai.
Saturday, February 21, 2015
Majan a majaw mare masha 700 htawt hprawng hkawm nga
Lahta Sam mung Munggu ginwang daw kata na Myen asuya dap ni hte Wunpawng Mungdan Shanglawt Hpyen Dap (KIA) hte hpawn dap hpawm lapran majan byin ai majaw mare masha 700 hkawt hprawng yen hkawm nga ai lam Mungmau Ginwang Jinghpaw Wunpawng Hkalup Hpung a tsin-yam masha lakawn lanawn hpung kawn lit nga ai wa Sara Sumlut Brang San tsun ai.
Friday, February 20, 2015
Saranum 2 a manghkang lau sawk shapraw ya na matu Netherlands du Jinghpaw ni n-gun madun
 |
| Brussels Myen sumtsan salang rung shawng kaw ndai zawn Jinghpaw ni ninghkap n-gun adun nga yang |
Hkum shan roirip zingri sat hkrum ai Jinghpaw Wunpawng Hkalup Hpung Ginjaw (KBC) Laika Hpaji Sasana Apnawng Saranum 2 a manghkang mabyin teng sawk shapraw ya na matu hte Laiza Hpyen Du Shalat jawngma ni si ai manghkang hparan shapraw ya na matu Netherlands du Jinghpaw Wunpawng myu sha ni woi awn let n-gun madun mat ai.
Tuesday, February 17, 2015
N tara gap sat hkrum ai Ja Seng Ing a kawa hpe je yang amying jahkrat
 |
| Ja Seng Ing |
Lai wa sai lahkawng ning jan, Jinghpaw Mungdaw Hpakan ginwang kawn tsang 9 jawngnum sha Shy. Ja Seng Ing si ai manghkang hpe shawk shawn ai kawa; Slg. Brang Shawng tara dara sum mat nna February 13 ya shani htawng dam; shata 6 snr gumhpraw dam; kyat 50,000 jahkrat dat ai nga Slg. Brang Shawng kawn tsun ai.
Saturday, February 14, 2015
Ginjaw Laiza makau de Myen Asuya Dap ni laknak kaba ni gap
 |
| Slg. Lah Nan, KIO ga shaga ahkang lu |
Wunpawng Mungdan Shanglawt Hpung (KIO) Ginjaw Laiza shawnglam dap ni de Myen asuya dap kawn laknak kaba ni hte shani shagu gap nga ai majaw lahkawng maga hpyen masa shuk nga ai lam KIO kawn tsun shaga ahkang lu ai Slg. Lah Nan tsun ai.
Friday, February 13, 2015
KBC srn yan hpe roirip sat ai tara hkam shapraw lu hkra lusha gam akyu hpyi na
 |
| Jan 23, KBC laika hpaji sasana apnawng saranum lahkawng a makoi mayang poi, KBC Ginjaw Rung, Myitkyina |
Lahta Sam mung Muse Ginwang Pangsai (Chyu Kuk) ginwang daw Namtau mare Kawng Hka kahtawng na Jinghpaw Wunpawng Hkalup Hpung Ginjaw (KBC) Laika Hpaji Sasana Apnawng Saranum Manran Lu Ra hte Tangbau Hkawn Nan Tsin yan hpe hkum shan roirip nhtawm zingri sat kau hkum ai shata mi hpring ai nhtoi, ladu hkrum ai February 19 ya shani hkying hkum 24 mungdan gadaga lusha gam akyu hpyi na matu KBC kawn ndau shabra dat ai.
Thursday, February 12, 2015
Simsa lam a matu KIO gaw matut nna lata gindun sa mat na re
 |
| Slg. Lah Nan |
Simsa lam gawgap na matu mungdan ting gap hkat jahkring lam hta bandung du hkra jawm shakut mat wa na re lam Wunpawng Mungdan Shanglawt Hpung (KIO) gaw daini wa ang ai (68) lang na Munghpawm Nhtoi hta ndau laika shale dat ai.
Tuesday, February 10, 2015
KBC saranum 2 a manghkang mabyin teng sawk shapraw ya na, ABCUSA hpyi
 |
Rev. Dr. Roy Medley, Amu Madu, Amerikan Hkalup Hpung Ginjaw
|
Monday, February 9, 2015
Lusha gadawn ai Hpakan tsin-yam masha ni hpe 88 Jawngma Hpung sa jaw
 |
| 88 Myen jawngma ningbaw ni Hpakan e lusha gadawn nga ai hpyen yen ni de sa du garum |
Jinghpaw Mungdaw Hpakan Ginwang Ginsi mare na Jinghpaw tsin-yam masha ni hpe 88 ban simsa lam hte branglang shinggyim uhpung uhpawng (Jawngma Hpung) kawn malu masha alu sa jaw lu sai nga 88 Jawngma Hpung Ningbaw Ko Mya Ae tsun ai.
Friday, February 6, 2015
Shinggyim ahkaw ahkang tawt lai lam sawk shapraw ai ni hpe jahkrit shama nga
 |
| Jan 22 ya shani Myitkyina kaw ramma ni ninghkap n-gun madun nga yang |
Ginchyum n lu dat ai gap hkat jahkring bawngban hpawng, gade n na yang bai hpang sa
Munghpawm Simsa Lam Hkrang Shapraw Komiti (UPWC) hte Mungdan Ting Gap Hkat Jahkring Bawngban Jahkrup Hpung (NCCT) ni mungdan ting gap hkat jahkring lam a matu (7) lang ngu na bawngban hpawng hpe du na February (12) ya hpang Yangung mare daju e kalang bai hkrum shaga na matu myit hkrum ai lam lu tawn sai nga lahkawng maga na dat kasa ni tsun ai.
Wednesday, February 4, 2015
Chyat rawng nga ai Hpakan hpyen yen ni hpe 8 mali jawngma ni sa garum na
 |
| 8 mali Myen jawngma ningbaw ni Hpakan de gawan du yang, 2012 |
8 Mali jawngma hpung gaw Jinghpaw Mungdaw Hpakan ginwang Ginsi mare kata na Jinghpaw hpyen yen tsin-yam masha ni a matu n-gu buri 1,000 hte laga malu masha ni sa garum na re lam 8 Mali Jawngma Hpung Ningbaw Ko Ma Ae kawn tsun ai.
Awng San magri sumla jung na aten rai n rai shi ai nga WMR sadi jaw
Awng San wa a 100 ning hpring masat dingsat hku nna Jinghpaw mungdaw Myitkyina ginwang hta hkrang bung magri sumla jung da na masing hpe aten rai n rai shi lam Wunpawng Amyu Sha Mungbawng Rapdaw (WMR) kawn Jinghpaw Mungdaw Hkringmang Daju hpang de sadi jaw laika sa dat ai nga WMR Ningbaw Duwa Lahtaw Hkun Seng tsun ai.
Monday, February 2, 2015
Myen asuya dap kawn Jinghpaw ramma 3, slg 1 hpe wan nat sat
 |
| Myen asuya dap a wan nat sat da ai mare masha 4 a moimang hpe sat da ai shara, Law Hkum Bum e lup makoi nga yang |
Lahta Sam mung Muse ginwang Malun Bum Hka kahtawng na ramma 3 hte hpawn marai mali hpe Myen asuya hpyen dap ni rim mat ai hpang 7 ya mat mat ai kawn wan nat sat da ai mang hpe January 31 ya shani mu la ai nga Malun Bum Hka kahtawng na Sara Ja Hkun Awng tsun ai.
Friday, January 30, 2015
Federal munghpawm de na myit hkrum lakmat htu na ngu UNFC tsun
 |
| Hkun Uk Ka, UNFC amu madu-1 |
Du na February 12 ya shani wa ang ai (58) ning hpring Munghpawm Nhtoi hta Federal Munghpawm gawgap lam myit hkrum ga sadi lakmat htu na matu Amyu Sha Hpyen Masa Mungmasa Dap Hpawm (UNFC) gaw January 29 ya shani tsun ai.
Wednesday, January 28, 2015
Asuya kawn wa-lang gale nga ai jasat jahkring ging sai lam UNFC tsun
 |
| UNFC ningtau ningbaw Nai Han Ta |
Lahta Sam Mung mare kahtawng na Jinghpaw Wunpawng Hkalup Hpung Ginjaw (KBC) kawn dat ai Laika Sasana apnawng Saranum 2 hpe roirip nhtawm sat kau ai manghkang gaw hpyen tara tawt lai shut shai ai lam rai nhtawm wa-lang gale ai jasat hpe jahkring ging sai lam Amyu Sha Hpyen Masa Mungmasa Dap Hpawm (UNFC) kawn tsun ai.
Tuesday, January 27, 2015
Myen asuya dap htim gasat ai majaw KIA dap langai kalut mat
Lahta Sam mung hta Myen asuya dap hte Wunpawng Mungdan Shanglawt Hpyen Dap (KIA) lapran January 25 ya shani gasat poi laja lana byin ngut ai hpang shana maga de KIA a shawnglam dap langai hpe htingnut kau ya sai lam KIA salang langai tsun ai.
Monday, January 26, 2015
Roirip sat hkrum ai KBC srn 2 a manghkang, pyada ni jep joi hpang
 |
| Roirip zingri sat hkrum ai KBC laika sasana apnawng saranum 2 hpe January 22 ya shani ramma ni Myitkyina kaw ninghkap madun nga yang |
Si mat ai Saranum 2 a moi mang hpe Muse Tsi Rung hta January 20 ya shani jep joi ngut sai raitim Myen asuya pyada dap gaw sawk jep malu ni hpe ndau shale ai lam n galaw ai sha Muse Hpada Dap kawn Kawnghka kahtawng masha ni hte hpyenla ni hpe shawng ningnan jep joi nga ai lam rai nga ai.
Sunday, January 25, 2015
Roirip sat hkrum ai manghkang, mabyin teng sawk shapraw na ra
Jinghpaw Wunpawng Hkalup Hpung Ginjaw (KBC) a laika sasana apnawng saranum yan a matu Htai Mungdan Chiang Mai mare nga Jinghpaw Wunpawng myu sha ni mung yawn hkyen kyu hpyi lamang hpe January (25) ya shani galaw nhtawm mabyin teng sawk shapraw na matu hpyi shawn dat ai.
Friday, January 23, 2015
Myen asuya dap ni htim gasat lam hpe gan jahkring nhtawm n-gun jat bang nga
 |
| KIA dap 6 hpyenla ni, Ginsi Seng Ra, Hpakan |
Jinghpaw Mungdaw Hpakan ginwang, Wunpawng Mungdan Shanglawt Hpyen Dap (KIA) Dap Ba (2) npu Masat Dap Dung (6) ginra kata Myen asuya dap ni htim gasat ai lam n nga ai majaw majan nhpan gan zim nga ai lam KIA Dung (6) Dap Up Dukaba Tang San tsun ai.
Saranum yan hpe roi rip sat ai manghkang asuya ntsa lit nga ai ngu tsun
 |
| Ko Mya Ae, Jan 23-2015 AD 2000 Gawknu yawn hkyen poi lamang de sa du ai 88 Myen jawngma ningbaw |
Jinghpaw Wunpawng Hkalup Hpung Ginjaw (KBC), laika sasana apnawng saranum 2 ntsa roirip nna sat hkum ai manghkang hpe tara rap-ra lam hte mabyin teng sawk shapraw nhtawm hkrat hkrang hkra ahkyak la ya na lam hte ya byin ai manghkang Myen asuya ntsa lit nga ai ngu 88 jawngma ningbaw Ko Mya Ae tsun ai.
Thursday, January 22, 2015
Gap hkat jahkring bawngban lam n ngut ai majaw sen htu na n byin mai shi
 |
KIO Ningbaw Kaba Lanyaw Zawng Hra (ka-ang) hte KNU Ningbaw Mutu Tse Pu |
Mungdan ting madang gap hkat jahkring bawngban ai lam rai n ngut kre lu ai majaw du na February 12 ya shani (Munghpawm Nhtoi) shani lakmat htu na matu n mai byin shi ai lam Myanmar Peace Center (MPC) hte Mungdan Ting Madang Gap Hkat Jahkring Bawngban Jahkrup Hpung (NCCT) dat kasa ni kawn tsun ai.
Friday, January 16, 2015
Hpakan e Myen asuya dap hte KIA majan laja lana byin nga
 |
| Dap 6 makau Awng Ba Le kaw shara la tawn ai Myen asuya Dapnu 66 hpyenla ni |
Wunpawng Mungdan Shanglawt Hpyen Dap (KIA) Dap Ba (2) npu Masat (6) Dap Dung hte Myen asuya hpyen dap ni January 15 ya jahpawt hkying 6:00 kawn majan laja lana byin nga ai lam KIA Dung (6) kawn Du kaba Tang San tsun ai.
Wednesday, January 14, 2015
Ja Seng Ing si ai manghkang hta Myen hpyendu 50 lang rung dung ten she du
Jinghpaw Mungdaw Hpakan ginwang kawn tsang (9) jawngnum sha si ai manghkang ntsa jep joi ya na matu tang shawn da ai kawn rung shawk hkrum ai wa; Slg. Brang Shawng a rung shawk wa; Myen asuya hpyen dap na Du Up Zani Min Pai gaw 2 ning ting tara rung de lung na matu hprai mat ai kawn January 12 ya shani tara rung de bai lung wa ai nga Slg. Brang Shawng kawn tsun ai.