 |
| Mangshi manu hpe Guiness World Record kaw nna February 22, 2016 shagrau masat ya |
Dai ning Miwa mung Mangshi mare e galaw ai Jinghpaw htunghking Manau poi gaw, mungkan ting hte seng ai Guinness World Record hpung a Hpan Masum masat shagrau ai hpe February 22 hta hkam la lu sai re.
Guinness kaw nna masat ya ai dai hpan masum gaw Mungkan hta kaba dik Chying Bau, masha law dik rau jawm sha ai htunghking Shat Kada hte Mungkan hta hpun tsaw dik Hkauling Mam ni rai nga ai.
Guinness World Record gaw mungdan kaba nkau hta rung daju nna mungkan hta ‘galu dik, lawan dik, kaba dik hte laklai dik’ dai zawn re gabaw ni hte shaning shagu masat shagrau ai lam galaw nga ai wuhpung re.
Dai ning na Mangshi ‘Mungkan Manau Poi’ hta mungkan ting na Jinghpaw Wunpawng amyusha ni sa du shanglawm ai re.
Shawng de shaning law law gaw Manau Poi hpe Manau Shadung mali hte galaw lai wa sai raitim, dai ning gaw Manau Shadung kru manau wang n’nan e February 21 kaw nna 23 du hkra wu wu di di galaw lai wa sai re.
Miwa e ‘Jingpo’ ngu ai Jinghpaw amyusha ni gaw Miwa gumsan mungdan a amyu lakung langai mung rai nga ai re.
Miwa kummyunit asuya gaw amyu lakung kaji ni gaw mung masa ahkaw ahkang pat hkum tawn tim, htunghking lam hta masa hku nna n-gun jaw garum madi shadaw nga ai re.
0 comments:
Post a Comment