 |
| PJS hte hkrum na, mungdaw asuya shaga |
Washawng e shingdang da hkrum ai Kambaiti pat jasan hpung hte seng nna, PJS hpung hte hkying 2 hta Myitkyina kaw hkrum shaga na matu, mungdaw asuya shaga tawn ai lam, chye lu ai.
Hkrum na shara gaw Mungdaw Pyada Dap Rung Daju e re lam, Waimaw e du nga PJS ningbaw langai KNG Jinghpaw Shiga Dap de tsun ai.
Waimaw Ginwang Pyada Dap, Dap-up wa gaw PJS hpung ni Kambaiti de n lung na matu, mani PJS ningbaw ni hpe sa tsun wa sai re.
Mani, Myitkyina hte Waimaw na PJS hpung ni Kambaiti de rawt lung wa ai hpe Washawng Gate hta asuya pyada, hpyendap ni pat shingdang tawn ai gaw ya ten du hkra naw rai nga ai re.
Daini na zuphpawng hta asuya ahkang jaw na, n jaw na n chye shi ai re.
Hpa mi raitim, Jinghpaw mung shawa pat jasan hpung hku nna gaw Kambaiti ginra e nga ai, ‘mungkan a hpyen, mungdan a hpyen, amyu a hpyen kani’ hpe n byin byin hkra dan shamyit kau na hkam la tawn ai re.
Lai wa sai bat laman, Myen mung hte seng ai Amerikan sumtsan dat kasa Slg. Derek Mitchell hte Amerikan Hkalup Hpung Ginjaw ABC-USA ningbaw ni, hpung hte hpung Myitkyina de sa du ai shaloi, PJS hpung ni hpe sa hkrum shaga n-gun jaw wa sai re.
0 comments:
Post a Comment