 |
| Pat Jasan hpung ni shang na Kambaiti kani sun map |
Dai hpawt Bum Tawng kaw nna bai rawt ai mung shawa Pat Jasan hpung ni ya ten Sadung, Gaw Nan hte Lahpai mare ni hpe, hpa dingbai dingna n nga lai di sai re.
Matut nna dingbai dingna n hkrum yang, dai na maga Kambaiti kani sun eka hkying kahtap nga ai Maw Si Tung ginra de du shang wa na re lam, mying n tsun mayu ai PJS ningbaw langai KNG Jinghpaw Shiga Dap de tsun ai.
Nawku hpung woi ni woi awn nna PJS kani dan shamyit hpyen hpung ni lung wa ai hta asuya uphkang dap, pyada hte wan sat dap masha nkau mung shanglawm ai re hpe chye lu ai. Raitim hpyendap gaw n lawm ai lam chye lu ai.
Raitim PJS hpyen hpung ni law malawng gaw Bum Tawng e naw gan hkring nga ai lam PJS ningbaw ni tsun ai re.
Mani, Myen hpyendap a Washawng Gate e pat da hkrum ai nhtoi bat mi tup hta, PJS 3,000 jan gaw nawku hpung woi ni woi awn nhtawm shawa mun mi jan hkan sa lawm ai hte Kambaiti de matut lung wa ai re.
Raitim Bum Tawng Myen hpyendap gate e bai n lai shangun ai masa a majaw PJS hpung ni bai hkring nga ai gaw dai na maga aten du hkra naw re.
0 comments:
Post a Comment