Shingchyai e PJS 300, BGF a wang da hkrum nga

Feb 25-2016 Asuya BGF, jarit sin dap a sinat laknak bawm ni hte hkap gat hkrum ai kaw hkala hkrum ai Pat Jasan ap nawng masha ni.

Ya hkyak hkyak asuya BGF, jarit sin dap jung ai Shingchyai hta mungshawa Pat Jasan marai 300 daram hpe ginra kani sun madu ni hte BGF 1,000 mi jan, sinat gap bun, bawm kapaw bun rai wang shakin da nga ai lam chye lu ai.

Dai hpawt daw Shingchyai lahta Wut Maw e gan hkring nga ai PJS mawdaw 2 hpe BGF ni bawm kapaw ai hta PJS marai 18 hkala hkrum sai. Ya shanhte yawng Myitkyina tsirung kaba e du nga sai re.

Ningdaw lahkawng lang hku nna, Wut Maw de sa garum na lung wa ai PJS ni hpe lapran BGF ni hkap gasat ai hta PJS langai kan kaw sinat pala hkra ai lam, PJS ningbaw ni KNG Jinghpaw Shiga Dap de tsun shateng ai.

Ya shiga ka nga ai aten du hkra, lit nga ai Myen asuya, Myen hpyendap kaw nna Kambaiti BGF, pyitusit hte kani yi madu ni hku nna laknak n lang ai PJS hpung ni hpe gasat nga ai lam ntsa hkum pat ai lam n nga shi ai re.

Posted in: