Kambaiti pat jasan masing hpang sana, shawa 10,000 jan jawm akyu hpyi

Rev.Dr. Hkalam Samson, Kambaiti pat jasan masing tha Kambaiti lam, Chipwi-Sadung Lam Braw e du nga ai PJS hpung hpe Karai Kasang
amungga hte n-gun ga tsun nga yang, Feb 21, 2016

Myen asuya uphkang ginra Kambaiti kani yi hkyen shamyit masing galaw hpang lu na matu mungshawa 10,000 jan shanglawm ai akyu hpyi hpawng kaba hpe Pat Jasan hpung ni shingdang hkrum ai shara e dai ni February 21 jahpawt daw hta galaw wa sai re.

Akyu hpyi hpawng hpe Kambaiti lam Chipwi-Sadung lam braw, Pat Jasan hpung hpe Myen asuya hpyen dap hte pyada ni pat hkum da ai shara hta Myitkyina, Waima kaw nna mungshawa hkying kaba shanglawm ai re.

Dai hta Jinghpaw nawku hpung hkum hkra na ningbaw ni gaw PJS hpung hpe mungga hte n-gun jaw ai lam ni akyu hpyi ya ai lamang ni galaw ai re.

Kambaiti Pat Jasan masing hpe htingnut na lam n nga ai lam Jinghpaw Wunpawng Hkalup Hpung Ginjaw KBC, amu madu Rev. Dr. Hkalam Samson a mungga hta ya na zawn Myen ga hku sung sung tsun shalawm ai re.

“Anhte gaw n htingnut sai. Shawng de lahkam na lam sha nga ai. Ndai kaw lit la da ai Myen hpyenla ni mung lahta na matsun hte maren pat ai nga tsun ai. Anhte a lahta na matsun mung dan dan leng leng nga ai. Anhte hkristan hpung masha ni a matsun gaw Karai Kasang shangun ai hpe galaw na matu re.”

KBC gaw Jinghpaw nawku hpung ni hta kaba htum re.

Nanghpam lu sha ngu ai gaw J.W amyusha ni matu sha n ga, masha myu baw hpan yawng a ‘hpyen’ re majaw Myen asuya hte KIO lapran policy hta n hkrum tim, kani nanghpam pat jasan masing hta gaw hkrum yang mai ai lam PJS ningbaw ni tsun ai.

Mungshawa n-gun 3,700 jan ai PJS hpung gaw February 16 ya kaw nna Chipwi-Sadung lam braw e asuya pyada hte hpyenla ni pat hkum ai majaw ya du hkra dai shara hta but nga ma ai re.

Raitim hpawt ni bat pru kaw nna gaw, Pat Jasan masing hpe pat hkum da ai kata hpang wa sana re lam PJS ningbaw ni tsun nga ai re.

Posted in: